Нууцлалын бодлого
Хүчин төгөлдөр болсон: 2026 оны 11-р сарын 18
Энэхүү бодлого нь Bumpin гар утасны аппликейшн болон bumpin.cc вэб сайт (цаашид «Bumpin») таны мэдээллийг хэрхэн цуглуулж, ашиглаж, хадгалж, хамгаалдгийг тайлбарлана. Bumpin-ийг PRIME NODE хөгжүүлж, ажиллуулдаг.
1. Бидний цуглуулдаг мэдээлэл
Бүртгэлийн мэдээлэл. Имэйл хаяг. Apple эсвэл Google-ээр нэвтэрвэл тухайн үйлчилгээ бидэнд таны нэр болон имэйл хаягийг дамжуулна. Apple-ийн «Hide My Email» сонголтыг ашиглаж болно.
Профайл. Нэр, хэрэглэгчийн нэр, профайл зураг, танилцуулга, төрсөн он, сонирхол. Нэр заавал шаардлагатай. Төрсөн оныг аппад бүртгүүлэхэд, вэб сайт дээр насны хязгаартай эвентэд оролцохдоо оруулна; үүнийг зөвхөн эвентийн насны хязгаарыг шалгахад ашиглана. Бусад нь сонголттой.
Нэвтрэх нууц код. Таны сонгосон 6 оронтой нууц кодыг зөвхөн bcrypt аргаар хувиргасан (hash) хэлбэрээр хадгалдаг; бид кодыг өөрийг нь хэзээ ч хадгалдаггүй, харах боломжгүй.
Таны үүсгэсэн контент. Таны зохион байгуулсан эвентүүд (гарчиг, тайлбар, огноо, газар, зураг, давтамж), зарлал, санал асуулга, азтан шалгаруулалт, хөтөлбөр, асуулт хариултад илгээсэн асуулт, эвентэд өгсөн үнэлгээний сэтгэгдэл. Давтагдах эвентийн дараагийн огноог систем автоматаар үүсгэнэ.
Имэйл урилга. Зохион байгуулагч эвентдээ хүн урихдаа тэдний имэйл хаягийг оруулна. Бид тухайн хаяг, урилгын төлөв (хүлээгдэж буй, оролцоно, татгалзсан, цуцалсан), хэн урьж, хэн хүлээн авсныг хадгалж, урилгын имэйлийг илгээнэ. Хаяг нь Bumpin бүртгэлийн баталгаажсан имэйлтэй таарвал урилга аппад мэдэгдлээр бас очно. Урилга хүлээн авсан хүн имэйл дэх холбоосоор цаашид урилга авахаа болих боломжтой; ингэвэл тухайн хаягийг «урилга авахгүй» жагсаалтад хадгална.
Үйл ажиллагаа. Нэгдсэн, хадгалсан, үзсэн эвентүүд, тасалбар болон ирц бүртгэл (ирсэн цаг, ирсэн дараалал), санал асуулгад өгсөн санал, асуултад өгсөн дэмжлэг, азтан шалгаруулалтын үр дүн, эвентэд өгсөн үнэлгээ, багт хуваагдсан шат, оноон уралдаанд авсан оноо, урилгад өгсөн хариулт, туслахаар ажилласан эвент, илгээсэн гомдол, мэдэгдлийн тохиргоо.
Байршил. Зөвшөөрөл өгсөн тохиолдолд ойролцоох эвентүүдийг харуулахын тулд таны төхөөрөмжийн ойролцоо байршлыг ашиглана. Байршил нь хайлтын хүсэлттэй хамт илгээгддэг боловч таны бүртгэлд хадгалагддаггүй. Аппликейшн ард талд (background) байршил цуглуулдаггүй. Зөвшөөрөл өгөхгүй бол Улаанбаатар хотын төвийг ашиглана.
Камер болон зураг. Камерыг зөвхөн тасалбарын QR код уншихад ашигладаг бөгөөд дүрс нь төхөөрөмжөөс гардаггүй. Зургийн сангаас зөвхөн таны өөрөө сонгосон зургийг (профайл, эвентийн зураг) хуулна.
Төхөөрөмжийн мэдээлэл. Push мэдэгдэл илгээхэд зориулсан төхөөрөмжийн токен, платформ (iOS/Android) болон мэдэгдлийг ямар хэлээр илгээхийг тодорхойлох аппликейшний хэл.
Хэрэглээний статистик. Google Firebase Analytics-ээр аппликейшнийг сайжруулах зорилгоор таны нэр, холбоо барих мэдээлэл агуулаагүй хэрэглээний үзүүлэлтүүд (ямар дэлгэц нээсэн, эвент нээсэн/нэгдсэн, хайлтын үр дүнгийн тоо), төхөөрөмжийн төрөл, үйлдлийн систем, аппликейшний хувилбар, ойролцоо улс/бүс нутгийг цуглуулна. Бид зар сурталчилгааны танигч (IDFA) цуглуулдаггүй, таныг бусад аппликейшн, вэб сайтаар мөрддөггүй.
2. Мэдээллийг хэрхэн ашигладаг вэ
- Бүртгэл үүсгэх, нэвтрүүлэх, аюулгүй байдлыг хангах
- Ойролцоох болон таны сонирхолд тохирох эвентүүдийг харуулах
- Эвентэд нэгдэх, тасалбар олгох, ирц бүртгэх
- Эвент, зарлал, шууд явагдаж буй функц болон таны сонирхлын шинэ эвентийн талаар мэдэгдэл илгээх
- Насны хязгаартай эвентэд оролцох эрхийг шалгах
- Зохион байгуулагчийн урилгыг имэйлээр болон аппаар хүргэх
- Зохион байгуулагчид эвентийнх нь нэгтгэсэн тайланг харуулах
- Гомдлыг шалгах, дүрэм зөрчсөн контент болон хэрэглэгчийг хязгаарлах
- Алдааг засах, аппликейшнийг сайжруулах
Бид таны мэдээллийг худалдахгүй, зар сурталчилгаанд ашиглахгүй, гуравдагч этгээдэд зар сурталчилгааны зорилгоор дамжуулахгүй.
3. Бусад хэрэглэгчид юу харах вэ
Таны нэр, хэрэглэгчийн нэр, профайл зураг, танилцуулга болон сонирхол нь бусад хэрэглэгчид болон эвентийн холбоосыг нээсэн хүмүүст харагдана. Таны зохион байгуулсан нээлттэй эвентүүд олон нийтэд харагдана. Эвентэд нэгдвэл зохион байгуулагч болон түүний туслахууд таны нэр, ирцийг харна. Баг хуваах функцтэй эвентэд тантай нэг багт орсон оролцогчид таны профайлыг харна; оноон уралдаанд таны нэр, оноо ирсэн оролцогчдын самбарт харагдана. Таныг имэйлээр урьсан бол урьсан зохион байгуулагч урилгын төлөв болон хүлээн авсан бүртгэлийн нэрийг харна. Асуулт хариултад илгээсэн асуулт тань таны нэртэй хамт эвентэд ирсэн оролцогчид болон зохион байгуулагчид харагдана. Азтан шалгаруулалтад ялвал таны нэр тухайн эвентийн оролцогчдод харагдана. Санал асуулгын санал нэрээ нууцалсан бус (зохион байгуулагч харж болно).
Эвент дууссаны дараа зохион байгуулагч тайлан харна: нийт тоо (үзсэн, бүртгүүлсэн, ирсэн, ирсэн цагийн хуваарь), дундаж үнэлгээ, санал асуулгын үр дүн, азтан, хамгийн их дэмжлэг авсан асуултууд. Үнэлгээний сэтгэгдэл тайланд нэргүйгээр харагдана. Таны имэйл хаяг болон төрсөн он бусад хэрэглэгчдэд, зохион байгуулагчид ч харагддаггүй.
4. Үйлчилгээ үзүүлэгчид
Bumpin-ийг ажиллуулахад дараах үйлчилгээ үзүүлэгчид бидний өмнөөс мэдээлэл боловсруулдаг:
- Supabase — өгөгдлийн сан, нэвтрэлт, зургийн хадгалалт (сервер: Токио, Япон)
- Google Firebase — push мэдэгдэл, хэрэглээний статистик
- Google Maps Platform — газрын зураг, хаягаас байршил тодорхойлох
- Amazon Web Services (Amazon SES) — нэвтрэх код, нууц үг сэргээх болон урилгын имэйл илгээх (сервер: Сингапур)
- Apple болон Google — таныг сонгосон тохиолдолд нэвтрэлт
- Vercel — bumpin.cc вэб сайтын хостинг
Эдгээр үйлчилгээ нь Монгол Улсаас гадна байрладаг тул таны мэдээлэл гадаад улсад дамжиж, хадгалагдана. Мөн хуулиар шаардсан тохиолдолд эрх бүхий байгууллагад мэдээлэл өгч болно.
5. Хадгалах хугацаа ба бүртгэл устгах
Таны бүртгэл идэвхтэй байх хугацаанд мэдээллийг хадгална. Та аппликейшний Профайл → Хаяг устгах хэсгээс бүртгэлээ хүссэн үедээ устгах, эсвэл contact@bumpin.cc хаягаар хүсэлт илгээж болно. Бүртгэл устгахад таны профайл, зохион байгуулсан эвентүүд, тасалбар, санал, үнэлгээ, төхөөрөмжийн токен зэрэг холбогдох мэдээлэл устгагдана. Таны хаяг руу илгээсэн урилга тухайн эвентэд хамаарах тул эвент устгагдахад хамт устана. Нөөц хуулбараас 30 хоногийн дотор бүрэн арилна. Хэрэглээний статистик Firebase-д 14 сар хүртэл хадгалагдана.
6. Таны эрх
Монгол Улсын Хүний хувийн мэдээлэл хамгаалах тухай хуулийн дагуу та өөрийн мэдээллийг үзэх, засах, устгуулах, боловсруулахыг хязгаарлуулах эрхтэй. Ихэнх мэдээллийг аппликейшн дотроос шууд засаж болно. Бусад хүсэлтийг contact@bumpin.cc хаягаар илгээнэ үү. Байршлын болон мэдэгдлийн зөвшөөрлийг төхөөрөмжийнхөө тохиргооноос хүссэн үедээ цуцалж болно.
7. Хүүхдийн нууцлал
Bumpin нь 13 ба түүнээс дээш насны хэрэглэгчдэд зориулагдсан. Бид 13-аас доош насны хүүхдийн мэдээллийг зориуд цуглуулдаггүй. Ийм мэдээлэл цуглуулсныг мэдвэл бид тухайн бүртгэлийг устгана. Хэрэв таны хүүхэд бүртгүүлсэн гэж үзвэл бидэнтэй холбогдоно уу.
8. Аюулгүй байдал
Мэдээлэл дамжуулахад шифрлэлт (HTTPS/TLS) ашиглаж, өгөгдлийн санд хэрэглэгч бүр зөвхөн өөрт зөвшөөрөгдсөн мэдээлэлд хандахаар хязгаарласан. Гэсэн хэдий ч интернэтээр дамжих ямар ч систем 100% аюулгүй гэж баталгаажуулах боломжгүй.
9. Бодлогын өөрчлөлт
Бид энэ бодлогыг шинэчилж болно. Томоохон өөрчлөлтийг аппликейшнээр эсвэл энэ хуудсаар мэдэгдэж, дээрх огноог шинэчилнэ.
10. Холбоо барих
Нууцлалтай холбоотой асуулт, хүсэлтийг contact@bumpin.cc хаягаар илгээнэ үү.